МАРАТ ҚОРҚЫТҰЛЫ

Уа, ағайын!

Өмірден кім өткенін білесіз бе?

Өмірдегі жандай досым, асыл азамат, елімізге белгілі геолог-барлаушы, аяулы жар, асқар таудай әке, сүйікті ата, Қазақстан Республикасының құрметті геолог-барлаушысы Марат Қорқытұлы Байзақов ұзаққа созылған сырқаттан соң бүгін таңда бақилық сапарына аттанды.

1952 жылы Гурьев облысы Махамбет ауданында дүниеге келген.  Уфа Мұнай институтын тау-кен инженері мамандығы бойынша бітірген. Еңбек жолын 1975 жылы Маңғышлақ бұрғылау жұмыстары басқармасында бұрғышының кқмекшісі болып бастаған. 1976-1984 жылдары аралығында «Маңғыстау мұнай барлау» Кешенді Экспедициясында еңбек еткен. 1984-1992 жылдар аралығында  «Қазақ Геологиялық Барлау Ғылыми Зерттеу Институтында» бұрғылау бөлімінің меңгерушісі, директордың орынбасары, ал 1993-2004 жылдары осы институттың Директор-Президенті болып еңбек еткен. 2001 жылдың 04 маусымынан 2002 жылдың 04 маусымына дейінгі аралықта «Адай Петролеум компаниясы» (Американдык ’’Ферст Интернешл Ойл Корпорейшн ЛТД’’ пен ’’Роснефть’’ Бірлескен Кәсіпорнының) Бас директоры, ал 10 .02.2004 - 29.12.2012 аралығында «Компания Аташ» ЖШС («ҚазМұнайТеңіз» МҰК Акционерлік Қоғамы мен «Лукойл Оверсиз ЛТД» Бірлескен Кәсіпорны) Бас директоры, 2012-2016 ж.ж «Қазақ Ғылыми Зерттеу және Жобалау институтының» Зерттеу Орталығының директоры.Қазақстан Республикасы минералдық ресурстары Академиясының корреспондент-мүшесі. 80-нен астам ғылыми мақалалардың, 2 монографияның, 20 ғылыми еңбектің авторы және серіктес авторы. Қазақстан Республикасының Минералдар Қоры Академиясының мүше-корреспенденті, Бүкіләлемдік инженер-мұнайшылар қоғамының қазақстандық секторының вице-президенті (SPE).  Ұзақ жылдардағы абыройлы еңбегі үшін, мұнай-газ кешенін дамытудағы ел алдындағы ерен еңбегі үшін  «Құрмет» орденіне, «Қазақстан мұнайына 100 жыл» төс белгісіне ие болды. Атырау облыстық әкімі мен мәслихатының Құрмет грамотасының, «Қазақстан Республикасының тәуелсіздігіне 10 жыл» медалінің, «Қазмұнайгаз», «Лукойл Оверсиз ЛТД», «ҚазМұнайТеңіз» Акционерлік қоғамдарының Құрмет грамоталарының, «Құрметті геолог-барлаушы» атағының иегері.Әкесіне арнап шығарылған «Айтарым бар өзіңе, Әке ... » атты кітаптың авторы. Ұлдарын ұяға ұшырып, немере сүйіп отырған, елге сыйлы азамат еді.

Қош бол, ДОСЫМ. Иманың жолдас болғай.

Бисенғалиев Бисенбай.

Ақтау.

09.04.2019ж.